LEGAZPI CITY – Sa pagbabalik kan wheel clamping sa syudad nin Legazpi makalihis ining suspendiron durante kan nakalihis na holiday season, diit pa man sana an mga behikulong nairekord.
Sa intrevista kan Brigada News FM Legazpi kay City Task Force Kalinisan at Kaayusan head Mark Andy Marbella, sinabi niya na ini huli ta bako pa arog kaito kadakol an mga nagpapasiring sa syudad, bako arog kan holiday season na dakulon an nakaparadang mga lunadan.
Bako man kaya gabos na eskwelahan nagbukas na nin klase asin an iba kakapuon pa sana sa trabaho, asin dai pa man su boot haros gabos kompletong maralaog.
Kaya segun kay Marbella, piglalaoman na sa masunod na semana, dakol-dakol naman an mga lunadan na saindang mawi-wheel clamp.
Kun magigirumduman, sinuspinder kan nakalihis na bulan an wheel clamping komo pagtaong konsiderasyon sa mga tawo kan holiday season.
