GILAOMAN na sa pangulohan sa GenSan City airport ang pagdagsa sa gatusan ka pasahero alang sa Semana Satan.
Sa pakighinabi kang Joel Gavina, manager sa airport gipangandaman na nila ang pagdagsa sa mga biyahero sa ilang “OPLAN Biyaheng Ayos: Semana Santa 2024” gikan Marso 24 hangtud Marso 31.
Tungod usab sa pagdugang og flight sa usa ka airline, gilaoman na nila ang halos pagdoble sa mga biyahero nga modagsa sa terminal. Giangkon ni Gavina, pipila kaadlaw bag-o ang Semana Santa nasinatian na nila karon ang pagsaka sa ihap sa mga pasahero sa terminal.
Dugang sa opisyal nga gikonsidera nila kining peak season alang sa air travel tungod dungan ang Holy week ug summer vacation. I Richel Gubalani
