Nagbabala ang Department of Agriculture (DA) na mararamdaman ang epekto ng nakaambang food crisis sa bansa sa Oktubre hanggang Disyembre.
Una nang sinabi ni DA Secretary William Dar, na may paparating na food crisis sa bansa, dahil sa epekto ng COVID-19 pandemic at ng Ukraine-Russia conflict, na siyang nag-udyok para tumaas ang presyo ng langis.
Binigyang diin naman ni Dar, na ang pagpapataas sa local food production ay ang susi para matugunan ang nakaambang krisis.
Ayon sa kalihim, inaprubahan ni Pangulong Rodrigo Duterte ang Plant, Plant, Plant Program Part 2, na may malaking layunin na mapataas ang local food production para sa major commodities na mayroon ngayon sa Pilipinas. //MHEL PACIA
