NAGPADAYON sa pagpanakop og mga latagaw nga iro ang mga personahi sa City Veterinarian Office (CVO) sa GenSan aron malikayan nga kini ang makapaak sa mga tawo.
Segun ni Dr. Emilio Gargaran, labaw sa City Vet. luyo nga naga-ubos ang kaso sa mga napaakan og iro sa syudad apan wala sila miundang sa pagpanakop og pagbakuna sa mga iro batok rabies. Nasayran nga tungod sa naglatagaw nga iro sa Barangay Fatima, usa ka motorista ang nasamdan kaniadtong Oktubre 9 human niini naligsan ang iro.
Sa karon, butyag ni Gargaran 70 porsyento nga kapasidad ang kaya i-okupar sa Dog impounding facility sa syudad ug ang mga stray dog nga natanggong sa pasilidad ipakuha niini sa mga tag-iya ug human sa lima ka adlaw nga walay mo-claim sa iro ipailawom kini euthanasia o injectionan og tambal aron mamatay. I Enamie Mogpon
–
