BICOL – BUMINABA nin 19.87% an nairerehistrong krimen sa Bicol Region, sarong bulan antes dagos nang magtapos ang taon 2021.
Puon Enero uno hasta November 2021 nagkapag rehistro sana nin 13,880 crime incidents mas hababa kumpara sa nairehostrong 17,332 sa parehong peryodo kan nakalihis na taon.
Sa latest statistics kan PRO-5, kompwesto an nasabing bilang nin 2,120 index crimes siring kan murder, rape, robbery, aggravated assault, burglary, larceny, motor vehicle, theft, asin arson.
Uminabot man sa 11,760 an mga nairehistrong non-index crimes na kinababalehan nin pagbalgar sa mga Special Laws asin Revised Penal Code. Dai pa kabale an mga kaso siring kan Reckless Imprudence, Vehicular Incidents, asin iba pang Quasi-Offenses.
Mantang dakulang bagay bagay soboot sa pagmantiner nin hababang crime rate an mga pagtatrayumpo kan mga mga ikinakasang police operations sa man iba ibang parte kan rehiyon.
Kung saen maabot sa labi 2,300 na mga operasyon an naikasa kontra illegal drugs, labi 1,400 man kontra loose firearms, labi 900 kontra illegal gambling asin maabot man sa labi 5,300 am mga naarestong wanted personalities.
Sinabi man ni PNP-Bicol RD PBGen. Jonnel Estomo na dakula an naitatabang kan aktibong pakikisumaro asin kooperasyon kan publiko sa pagtatrayumpo kan mga ikinakasang police operation.
Sa huri, nangapudan ini nin padagos na suporta sa saindang lado asin nagpromesa sa bagong taon na maabot , malalaoman na mas urog pa lnindang papakarhayon an pagseserbisyo urog ngunyan na papaabot na an pirilian.
