NANUMPA na sa katungdanan ang bag-ong elect nga mga opisyales sa Sarangani Provincial Employees Union (SPEU) Lunes, Agosto 1, pinaagi ni Governor Rogelio “Ruel” D. Pacquiao.
Ang mga SPEU officers gilangkuban nilang Wilson Lapiz isip president; Cornelio Ramirez Jr. isip vice president for administration; Amelia Catolico – vice president for operations; Bonna Montefalcon – secretary ug Laurence Maulion isip assistant secretary.
Lakip usab nanumpa si Baby Mae Butohan isip union’s treasurer; Analou Santarin – assistant treasurer ug Arlene Cameros-auditor.
Ang mga miyembro sa board of directors mao silang Nyline Plecerda, Rommel Rivera, Clyde Cyril Baculio, Badaludin Palati, ug Calvin Polistico.
Atol sa flag-raising ceremony sa Capitol grounds, Lunes, Agosto 1, gipasalamatan ni Lapiz ang mga empleyado sa kapitolyo labi na sa mga union members alang sa ilang suporta sa bag-uhay nga eleksyon.
Usa sa iduso ang sogyot nga “union time-off”, o ang one-day time-off nga mahimo nilang ma-avail usa ka beses kada bulan nga dili ma-deduct gikan sa leave credits sa mga empleyado.
Ang pagtukod ug pagdumala sa “Provident Funds” sa local government atol sa iyang term isip president, alayun usab pagsunod sa Executive Order No. 641, s. 2007.
Gihisgutan usab ni Lapiz ang scholarship program alang sa mga rank and file employees sa kapitolyo o JOCOS (Job Order and Contract of Service) sa kinsang gustong mag-review classes isip preparasyon sa Civil Service Examinations.
