Usa ka dako nga kawad-on ang pagkamatay sa gikonsidera nga pinakataas nga opisyal sa New People’s Army sa Mindanao sa engkwentro tali sa militar ug mga rebelde sa Sitio Gabunan, Barangay Dumalaguing sa bayan ng Impasug-ong, Bukidnon.
Sumala kang 403rd Infantry Brigade Philippine Army Commander Brigadier General Ferdinand Barandon, milusad sa operasyon ang militar homan nakadawat og impormasyon gikan sa mga residente nga dunay armadong grupo nga gituohang miyembro sa National Operations Command sa CPP-NPA ang galihok sa ilang komunidad.
Gawas kang Ka-Oris, patay sab sa engkwentro ang usa ka babaeng NPA nga si alyas Pika usa ka medic.
Walay natala nga samaron o patay sa bahin sa tropa sa militar.
Subay niini gibutyag ni 4th Infantry Division Philippine Army Commander Major General Romeo Brawner Jr nga ang 71-anyos nga si
Ka-Oris, nag-atubang sa multiple criminal cases lakip niini ang robbery with homicide, damage to properties, murder, ug double frustrated murder.
Naglaom sab ang militar nga sa pagkamatay ni Ka Oris, hinay-hinay nang mawala ang presensya sa NPA sa Mindanao ug sa tibuok nasod.
