Ipinag-utos umano ng Central Committee of the Communist Party of the Philippines (CPP-CC) sa NPA na magdeploy ng special armed units na titira sa mga kalaban sa mga bayan o lungsod.
Sa 20-pahinang mensahe sa NPA para sa kanilang ika-53 anibersaryo, binigyang diin ng CPP-CC na ang “fascist criminal bosses” na responsable sa tumataas na bilang ng umano’y extrajudicial killings at iba pang krime, ay dapat managot sa NPA para mabigyan ng hustisya ang mga biktima.
Kaugnay nito, nanawagan pa ang CPP sa NPA na maglunsad ng “special tactical offensives” para ma-disable ang communication at air assets ng Armed Forces of the Philippines.
Maliban dito, inatasan rin ng CPP ang NPA na magsagawa ng malawakang “punitive actions combined with blows to the head” sa loob ng guerrilla fronts, dahil posible umano itong mag-obliga sa military at police forces na maging defensive.
