Nag naba eon ru COVID alert level sa Aklan humalin sa Alert Level 4 hay nag naba eon sa Alert Level 3 as of August 16.
Suno sa Department of Health (DOH), indi pa gihapon mag pakampante bangud ru positivity rate sa Aklan hay mataas samtang ru healthcare utilization hay manageable pa gihapon sa idaeom it Alert Level 3.
Sa datos, ru probinsya’t Aklan hay naka lista it 0.90% case fatality rate (CFR), mas manaba sa 2.30 CFR kaysa sa rehiyon ag national CFR nga may 1.74 %.
Nagapabilin gihapon ru probinsya’t Aklan sa moderate risk level area nga may 18.97% average daily attack rate per 100,000 population.
Sa makaron, nasa sa Alert Level 3 ru probinsya it Capiz, Antique ag Iloilo samtang sa Bacolod City hay sa idaeom it Alert Level 2 samtang ru Negros Occidental province sa idaeom it Alert Level 1.
Kun matandaan, una eon nga pumaguwa it pahayag si Aklan Governor Florencio Miraflores nga bangud sa gina patuman nga restrictions sa Aklan hay nag naba ru kaso it COVID-19.//MARIVIC Y. ILIN
