CAMARINES NORTE- Pupunta na sa kada barangay ang vaccination team ng Lokal na Pamahalaang Bayan ng Basud simula ngayong linggo.
Ayon kay Mayor Adrian Davoco, ito ay upang hindi na gaanong mahirapan sa mahabang pila ang mga nagnanais magpabakuna lalo na ang pediatric population kung saan kasama pa ang kanilang guardian.
Mananatili naman ang bakunahan sa Basud Sports Complex.
Resulta ito ng ginawang pagpupulong noong Biyernes kasama ang Municipal Health Office at Liga ng mga Barangay.
Ayon sa Alkalde nasa mahigit 50 porsiento na ang nabakunahan sa naturang bayan at patuloy pa itong nadagdagan.
Inaasahang makakatulong din ang paglaaan ng LGU ng pondo bilang insentibo na paghahatian ng mga barangay na makakaabot sa target na herd immunity bago matapos itong buwan.
Aminado naman ang LGU na may mga pagkakataong kulang ang bakuna at kung mayroon mang bakuna ay problema naman ang kakulangan o sirang syringe.
