Wala sa mga pasahero na galing sa red list at dumating sa Pilipinas bago ang announcement ng bagong protocols noong November 28, ang nakitaan ng sintomas ng COVID-19.
Sinabi ng Bureau of Quarantine na nagawa na nitong ma-trace ang lahat ng mga pasahero.
Noong Linggo ay pinagbawalan ng gobyerno ng Pilipinas ang pagpasok sa bansa ng mga byahero mula sa mga bansa na nasa ilalim ng red list o mga lugar na high-risk sa COVID-19 transmission.
Ito ay sa gitna ng banta ng bago at heavily mutated na Omicron COVID-19 variant.
Sa kasalukuyan ay nasa red list ng Pilipinas hanggang December 15 ang 14 na bansa kabilang na ang Austria, Czech Republic, Hungary, the Netherlands, Switzerland, Belgium, Italy, South Africa, Botswana, Namibia, Zimbabwe, Lesotho, Eswatini, at Mozambique.
