DUNGAN sa padayon nga pag-ubos sa Covid-19 cases sa Socsksargen region, ang rehiyon ang naa na sa alert level 4. Butyag sa Department of Health (DOH) 12- Center for Health Development atol sa press conference, Martes sa buntag.
Ang General Santos City ug Sarangani Province ang naa usab sa maong alert level samtang ang Sultan Kudarat ang gibutang sa alert level 2. Sa alert level gisaka ang indoor capacities sa dine-in services, in person religious services ug personal care services sa 10%. Sa datus sa DOH-12 CHD Oktubre 11 nakita nga naa na sa medium risk level ang sitwasyon sa Covid-19 sa rehiyon.
Matud ni Dr. Dyan Zubelle Parayao, labaw sa Regional Epidemiology and Surveillance Unit (RESU) Agosto nakita nila ang pag-platue sa kaso. Pag-abot sa Setyembre partikular atong 21 narekord sa rehiyon ang labing taas nga kaso sa usa lang kaadlaw. Rason niini mao ang pagka-problema sa pipila ka molecular laboratory nga miresulta sa pagkatanggong sa RT-PCR test samples.
Atong Oktubre 05 fully operational na ang mga laboratory ug mga machine ang makapa-ran na og 1,200 samples matag adlaw Sa datus Oktubre 11 naa sa 6.28% ang active cases; 90.97% ang recoveries samtang 3.43% o 1,832 ang death. Naa sa ‘zone safe’ ang Temporary Treatment Monitoring Facilities (TTMF) samtang ‘warning zone’ o 30-70% okupado ang dedicated Covid-19 hospital beds.
Sa 3,359 kinatibuk-ang kaso naa sa 71% ang naka home quarantine; 24% ang naa sa TTMF ug 14% ang admitted. Naa usab sa 22.1% ang asymptomatic, 14.6% ang moderate samtang 1.1% sa kinatibuk-ang kaso ang naa sa kritikal nga kondisyon. ( Richel Gubalani)
