Eumampas eun sa 3,000 ro mga aktibong kaso it COVID-19 virus sa Western Visayas.
Ku Agosto 13, umabot eun sa 3,061 ro aktibong kaso sa rehiyon, base sa datos nga ginpaguwa it Department of Health (DOH).
Ro probinsiya it Iloilo ro may pinakamataas nga numero it mga kaso nga umabot sa 1,144; ginsundan it Iloilo City nga may 532; probinsiya it Aklan nga may 429; Negros Occidental nga may 286; Antique nga may 254; Capiz nga may 213; Bacolod City nga may 168; ag Guimaras nga may 35.
Uman nga nagpahayag ro DOH sa publiko sa importansiya it pagbakuna bilang pinaka-epektibo nga depensa kuntra sa impeksyon ag komplikasyon it nasambitan nga virus.
Ro Omicron ag ro mga sub-variant kara ro sambilog sa mga rason it pag-abo it mga kaso sa bieog nga nasyun./JIL B. LACSON
