Nadugangan ug 168 ka mga bag-ong kaso sa coronavirus disease 2019 (covid-19) ang Central Visayas.
Ang nahisgutang ihap, gikan sa 2,884 ka mga laboratory results nga gipaagwas sa 14 ka covid-19 laboratories sa rehiyon o anaa sa 5.83% nga positivity rate.
Tungod sa mga bag-ong kaso, misaka na sa 56,611 ang kinatibuk-ang kaso nga natala sa rehiyon diin 4,483 niini ang mga aktibo.
Samtang ang mga naayo, misaka na sa 50,187 human nadugangan ug 68.
Ang mga namatay, miabot na sa 1,941 human nadugangan ug duha ka kaso sa pagkamatay gikan sa Probinsya sa Sugbo.////
