TAKDANG inspeksyunon ang mga Covid-19 isolation facilities ug mga lakang sa mga LGU’s sa rehiyon-12. Kini dungan sa takdang pagbisita ni National Task Force (NTF) against Covid-19 Chief Implementer, Secretary Carlito Galvez Jr., sa Hulyo 21.
Sa impormasyon gikan kang Mayor Ronnel Rivera, lakip sa bisitahon ni Galvez ang sitwasyon sa fishport complex sa Barangay Tambler. Asa atong Setyembre naglockdown og pipila kaadlaw dungan sa pagkatala sa kaso sa Covid-19. Makig-pulong si Galvez ug ubang miyembro sa NIATF sa mga lider sa LGU’s ug ubang opisyal sa regional offices.
Kahibaloan nga gawas sa kakulangon sa pasilidad, nag-unang reklamo sa mga LGU’s ang kakulangon sa alokasyon sa bakuna aron makab-ot ang population protection batok sa virus. (Richel Gubalani)
