Nagapadyon ro probinsiya it Aklan sa high-risk classification COVID-19, base raya sa datos it Department of Health Center for Health Development (DOH CHD).
Ro average daily attack rate sa kada 100,000 populasyon halin Enero 14 hasta 27 hay narekord sa 15.25%, halin sa 9.06% sa nagtaliwan nga tatlo ag ap-at nga dominggo.
Ro two-week growth rate hay nagpakita man it positibong pagtaas sa 525 nga mga kaso o 68% sa mga nagtaliwan nga dominggo. Ro numero it mga kaso halin sa 768 hay nagtaas sa 1,293 ku kan-o eamang.
Ro health care utilization rate it probinsiya hay sa 30.60%.
Samtang, ro mga namatay sa Covid-19 sa probinsiya hay nagreport it case fatality rate nga 1.37%, nga imaw ro pinakamanaba sa rehiyon. Ro rate it pagkamatay bangud sa virus sa rehiyon hay narekord sa 2.78% ag ro national CFR hay sa 1.57%./JIL B. LACSON
