Bumaba ang growth rate ng COVID-19 sa National Capital Region (NCR) noong mga nakaraang linggo na nagpapakita lamang na epektibo ng isinagawang enhanced community quarantine (ECQ) sa rehiyon.
Ito ang sinabi ng OCTA Research Group na nangangahulugan lamang umanong bumagal na ang paglaganap ng COVID-19 sa rehiyon.
Bumaba sa 1.67 mula sa 1.90 ang reproduction rate ng COVID-19 sa NCR sa kabila ng patuloy na pagdami ng panibagong kaso ng virus sa bansa.
Ngunit ayon sa OCTA, kailangan pa umanong mapanatIli sa susunod na apat na linggo ang mga pinagsikapan noong ECQ, nang sa gayon ay tuluyan ng matalo ang COVID-19 surge na naitala noong mga nakalipas na linggo sa rehiyon.
