Ginkumpirmar sang pamunuan sang City Ordinances Regulations Enforcement (CORE) Unit nga nakabalhag sila sang 1,640 ka mga violators sa ‘No Helmet, No Driving Ordinance’ sumugod sang ginpatuman ang nasambit nga layi.
Suno kay Ronald Amigo, head sang CORE Unit, sa ila nabalhag nga numero, wala pa diri malakip ang mga nadakpan sang Traffic Management Unit. Dugang pa sini, sa ‘No Vape/Smoking Ordinance’ masobra 300 ang ila nadakpan samtang sa ‘Anti-Littering’ masobra 200.
Nahibaluan, kun indi gilayon ma-settle sang violators ang ila penalidad sa sulod sang isa ka bulan, posible ini nga mapasakaan sang kaso kag mapanaugan sang warrant of arrest. | Judy Ann Juare
