LEGAZPI CITY – Matagumpay na nahuli ang Construction Worker na City Most wanted Person ng Ligao City sa Purok 5, Brgy. Ranao-Ranao.
Kinilala ang akusado na si Abrahan De Los Santos 47 anyos residente ng nasabing barangay.
Ayon sa report, hapon ng puntahan ng nga kapulisan ang kinaroroonan ni Santos upang isilbi sa kanya ang warrant of arrest na pirmado noong Hunyo 21 2000 na nagresulta naman sa pagkakaaresto.
Ang akusado ay mayroong kinakaharap na kasong Frustrated Murder at may inirekomendang piyansa ang korte para sa kanyang pansamantalang kalayaan na aabot sa P200K.
Ang akusado ay hawak na ng ligao city police station para sa kaukulang disposisyon.
