Pilason ang isa ka construction worker matapos natiphagan sang tiles samtang nagaubra sang balay sa Brgy. Poblacion, Tapaz, Capiz.
Ginkilala ang biktima kay alyas Jojo, 39-anyos, tumandok sang Aklan.
Sandig sa impormasyon nga nakuha sang Brigada News FM Roxas City sa BFP-Tapaz Fire Station, nagatakod sang tiles sa ding-ding sang balay ang biktima kaupod ang iya mga katrabaho apang hinali lang natiphag kag naigo ang iya natuo nga braso.
Ginapahayag nga nagalaba sang 2-3 inches ang pilas sini nga naangkon nga madasig naman gindapatan sang pauna nga pagbulong sang mga katapo sang BPF Tapaz kag ginpadangat sa Tapaz District Hospital.
Sa karon, yara na sa istable ang kondisyon sang biktima. | Judy Ann Juare
