ILOILO — Patay ro sangka construction worker matapos mabun-an sa Brgy. Rizal, La Paz sa Iloilo.
Ginkilaea ro biktimang si John Gallarde 23yo, residente it San Miguel, Guimaras ag temporary nga nagaistar sa Brgy. Rizal.
Tatlo ro gintumod nga suspek sa insidente pero sambilog eang ro nadakpan nga ginkilaea kay Jerry Jan Hermonio 24yo, nga residente it Zone 3, Barangay Rizal.
Sa report sa La Paz Police Station, naga-inuman ro biktima kaibahan ro anang katrabaho sa sangka videoke restaurant kat paeapitan it tatlong owa makilaea nga suspek ag ginbuno ro biktima.
Nagapadayun man ro imbestigasyun it mga otoridad samtang kulong ro suspek nga si Hermonio sa La Paz Police Station. / ANN DESLENE SALAZAR
