Nagpa rekord sa Kalibo PNP ro sangka construction worker matapos segun nga maduea ro anang bisikleta.
Ginkilaea ro complainant nga si Renato Apolinario nga residente it Brgy. Briones Kalibo.
Base sa anang reklamo, inaywan nana ro anang mountain bike nga kulay puea ag itom sa likod it sangka residential house sa Magdalena Village Brgy. New Buswang Kalibo kung siin imaw naga trabaho.
May nakasab-it pa segun nga bag nga may sueod nga wallet ro anang bisikleta pero sa anang pagbalik hay naduea eon ro bisikleta.
Nanugunan man ro complainant eabi pa ag kinhangean nana ro anang bisikleta sa anang trabaho. / ANN DESLENE SALAZAR
