LEGAZPI CITY – Arestado an sarong construction worker sa isinagibong drug buy-bust operation, alas 12 y media nin matanga kasuudma sa Purok 5, Brgy. Lidong, banwaan kan Sto. Domingo, Albay.
Binisto an suspek na si alyas Tony, 46 anyos, biyudo na residente kan Brgy. Manila, Rapu-rapu kan kaparehong probinsya.
Nadakop ini makalihis na pabakalan an poseur buyer ki selyadong sachet nin pinagtutubudang shabu kapalit nin P500.
Nakumpiskar man saiya an tulong pidasong plastic na naglalaog man ki shabu na may timbang na poko mas omenos P20,400; P500 na buy-bust money asin nagkapira pang non-drug items.
Nahahampang ini sa kasong pagbalgar sa RA 9165 asin presenteng nasa kustodiya kan pulisya para sa magkakanigong disposisyon.
