Gikatakdang makabaton og community college sa lungsod sa Santa Fe, isla sa Bantayan.
Kini human nga gi-uyunan sa Provincial Board ang Municipal Ordinance 04-2024 aron itukod ang “Colegio de Santa Fe” nga gipondohan sa LGU.
Samtang misugot ang Commission on Higher Education sa pagpatukod sa college ug magbaton og pipila ka mga kurso sama lang sa engineering, architecture, tourism management, ug uban pa.
Gawas sa bachelor’s degree, hatagan usab og pagtagad sa Colegio de Santa Fe ang vocational training, research, ug uban pa.
Gipangamahanan ni Bokal Jonkie Ouano sa committee of technical and higher education ang pag-uyon sa maong municipal ordinansa pinaagi sa iyang resolusyon. | Gian Navarro
