MIKABAT sa 449 nga indibidwal ang mipadulong sa Alabel Municipal Police Station aron nga ipadangat ang ilang nadangatan sa pagbubo og kapital sa investment nga Kahayag sa Bagakay, Alabel.
Sa impormasyon mikabat sa milyunes pesos ang gi-pay-in sa uban tungod sa saad nga motubo sa 30 hangtod sa 40 porsyento ang kuwarta nga nagadepende sa kagustohan sa naghulog kung gusto niini nga daily o ang ginatawag nga lock in.
Samtang daling gisulayan sa news team nga kuhaan sa ilang pamahayag ang mga naimbetahan sa pulis nga tulo ka mga babaye nga gituohang may kahilabtanan sa operasyon apan nagdumili na sila sa pagpagawas sa ilang mga pulong.
Giadtoan usab ang gikaingon nga gihimong opisina sa kahayag apan gate nga sirado ug mingaw nga compound nalang ang naabtan. I Danny Casi
