Arnel Callet
KABANKALAN CITY, Negros Occidental — Preparado na ang Commission on Elections (COMELEC) sa syudad sang Kabankalan, para sa pagsugod sang filing sang certificate of candidacy (COC) para sa 2025 local and midterm elections.
Sa interview sang Brigada News FM-Kabankalan kay Atty. Rolando V. Genito, Jr, election officer sang COMELEC-Kabankalan, nakapatigayon na sila sang diskusyon sa ila opisina para sa filing sang COC kag kumpleto naman ang tanan nga kinahanglanon nga mga butang sa ila opisina.
“Kumpleto na ang tanan, mahulat nalang kami kun sin-o ang ma una file sa mga [political] aspirants,” Pahayag ni Genito.
Dugang pa ni Genito, “Sa mga aspirants, kumpletoha nyo ang inyo mga COC. Antis kamo diri mag kadto, dapat tanan nga pormas ang na sulatan na kag dapat na notaryohan kag may yara naman sang documentary stamp, kag gilayon nga e-submit nga may lima ka kopya.”
Nag-ayo man si Genito nga indi na paghulaton ang last day sang filing agud indi na ma-abtan sang deadline nga asta lang alas-5 sang hapon.
Ang filing sang COC ang magasugod na sa Oktubre 1 tubtob 8, 2024.*
