NAGPAHIGAYON na sa pinaka-unang higayon ang Comelec Gensan og VCM Road show ug voters education isip pagpangandam sa May 9, 2022 national ug local elections.
Sa kumpermasyon ni City Comelec Officer Atty Sharmaine Papandayan Garangan sumala niini nga ang pinaka-unang higayon nga nagpahigayon sila og VCM road show ug voters education gihimo sa Barangay Dadiangas East, Pebrero 24, 2022.
Ang ikaduhang hugna sa VCM road show ug voters education ipahigayon sa Marso 1 dungan sa candidates briefing.
Ang mga pamaagi sa pagbotar sa umaabot nga election, magsugod ang botasyon alas sais sa buntag hangtud alas 7 sa gabei.
Una, magpasuta sa temperatura bag-o musulod sa voting center
Ikaduha, moadto sa voters assistance desk aron sayron ang imong presinto
Ikatulo, moadto sa assigned room magpaila sa Electoral Board, isulti ang pangalan ug ang imong precinct number.
Ikaupat, kuhaa ang balota, ballot secrecy folder ug marking pen sa Electoral Board unya mo-adto sa voting area.
Ikalima, markahan ang bilog duol sa pangalan sa iboto nga kandidato, ayaw pasobrai sa ihap sa gikinahanglan iboto sa posisyon.
Ikaunom, isulod ang balota sa Vote Counting Machine kon VCM
Ikapito, susiha ang resibo unya isulod sa dapat butangan
Ikawalo, magpabutang og indelible ink sa kuko sa tuo nga tudlo
Unya kanunay sundon ang health and safety protocols. I Ver Diazon
