NAGPAGAWAS og updated Schedule sa voters registration ang Comelec Gensan, Septembre kwatro sa kasamtangan nga tuig.
Sa unang schedule pulos sa Robinsons Mall ang registration apan sa updated schedule ang voters registration sugod Septembre 6 hangtud Septembre 11 sa Robinsons Mall, pagka-Septembre 13 hangtud 18 sa SM Mall.
Sa Septembre 20 hangtud 24 balik sa Robinsons Mall, sa Septembre 25 sa City Jail, ug sa Septembre 27-30 mahuman sa Robinsons Mall.
Gikalro ni Comelec Officer Atty. Sittie Sharmaine Papandayan Garangan nga wala silay nadawat nga bag-ong kamandoan kon ma-extend ang registration ug ginalauman na nga mag-overtime sila kon magdasok ang mga tawo sa ulahing mga adlaw.
Panawagan ni Atty. Garangan nga moadto na sa registration venue sa sayo nga panahon ug dili na hulaton ang ulahing mga adlaw aron malikayan ang pagdasok kay ilaha usab ginapatuman ang health protocol. ( Ever Diazon)
