GIDOBLE na sa kapulisan sa GenSan ang mga lugar nga adunay checkpoint alang sa pagpatuman sa Election Gun Ban nga nagsugod Enero 9 sa kasamtangan nga tuig.
Sa kumpermasyon ni City Comelec Officer Atty. Sittie Sharmaine Papandayan Garangan naghatag report ang kapulisan sa GenSan ngadto kaniya ug ang 13 ka unang mga checkpoints nahimo na karon nga 29 ka mga checkpoints.
Samtang sa accomplishment sa kapulisan sa Gun Ban aduna nay usa nga nasakpan ang kapulisan ug tungod niini nagapasalamat si Garangan sa PNP sa pagpatuman sa balaud ilawom sa election period.
Ang panawagan ni Atty. Garangan sa katawhan nga mosunod lang sa ginapatuman nga polisiya atol sa election period aron nga dili magka problema, sama sa pagbawal sa pagdala og armas gawas sa panimalay kon walay certification gikan sa Comelec. I Ver Diazon
