LEGAZPI CITY – Naghahanda na ang Commission on Election (COMELEC) Bicol sa pagsasagawa ng guidelines at protocols na ipapatupad sa darating na halalan.
Ayon kay Comelec Regional Director Atty. Rafael B. Olaño, magpapalabas ng print certified voters list na gagamitin sa labas ng voting center at opisina ng comelec, upang mapadali ang paghanap ng mga pangalan ng botante sa presinto o classroom.
Aniya, magrerecruit din ng poll workers na tutulong sa pagfacilitate kaagapay ang election registration board, comelec staff at department of education support officials.
Dagdag pa ni Olaño magsasagawa rin ng training sa susunod na buwan ang mga comelec staff sa paghanda ng balota at iba pang gagawin sa halalan.
Paalala ng tanggapan ang pagsunod ng proper safety guidelines at safety protocols ay para maiwasan ang magkahawaan ng sakit na covid 19 habang isinasagawa ang botohan sa loob ng presinto.
