LEGAZPI CITY – Harayo pa an COC filing asin kampanya, nagpatanid na an Commission on Election (COMELEC) Albay sa mga makandidato sa Barangay asin Sangguniang Kabataan na maglikay sa anuman na bayolasyon o election offense.
Segun kay COMELEC Albay Provincial Election Officer Atty. Ma. Aurea Bo-Bunao, haloy nang nagpagirumdom an komisyon sa mga kandidato na dae maggibo nin anuman na election offense siring kan premature campaigning ngunyan.
Hinagad kaini sa mga aspirante na dae na dapat madugangan pa an magbalgar nin huli ta ini an mataong kulog ki payo pag-abot kan panahon.
Likayan su boot kan mga kandidato an pagtao nin mga gamit na may value siring kan ballpen, tshirt, kalo asin iba pa na pwedesir mahilingan na vote buying.
Tinawan-doon kan opisyal, seryoso an komisyon sa pag-iimplementar nin omnibus election code kontra sa premature campaigning asin vote buying.
Kun magigirumduman, igwa na nin nasampolan na convicted sa vote buying sa rehiyon partikularmente sa Bato, Catanduanes asin ngunyan may duwang kandidato sa Oas, Albay an nasampolan nin show cause order asin tatawan ini nin 3 aldaw para sa affidavit manungod sa premature campaigning.
