HULATON sa Commission on Elections (Comelec) sa Soccskargen region ang mahimong desisyon sa Central Office kalabut sa People’s Initiative (PI).
Ang pamahayag ni Atty. Michael Abbas, regional director sa Comelec-12 ang dungan sa anunsiyo sa komisyon ang the indefinite suspension sa tanang proceedings kalabut sa PI tumong amendahan ang 1987 Constitution.
Matud ni Abas sa kinatibuk-an, mokabat sa tulo ka porsyento sa kinatibuk-ang populasyon sa rehiyon ang nakapirma sa People’s Initiative nga mao usab ang gisumite nila central office. Dugang sa opisyal, moagad sila sa mahimong lakang sa mga opisyal sa kaulohan kalabut niini, dungan sa mandu kanila nga ihunong ang pagdawat og signature sheets sa PI proponents.
Una nang, gibutyag sa mga opisyal sa komisyon nga ang suspension sa proceedings ang naghatag og higayon kanila aron i-rebyu ang guidelines and implementing rules and regulations (IRR) kalabut sa PI’s. I Richel Gubalani
