Payag umano ang Commission on Audit (COA) na luwagan ang ilan sa kanilang requirements sa government agencies sa annual audit process.
Ito ang sinabi ni COA chairperson Michael Aguinaldo sa briefing ng COA sa House committee on public accounts kaugnay ng naiulat na discrepancies ng paggamit ng Department of Health (DOH) sa kanilang P67.32 bilyong COVID-19 budget.
Ayon kay Aguinaldo, alam nilang may pandemya ngayon kaya’t bukas silang magkaroon ng adjustments lalo na sa mga allowances.
Nabanggit kasi sa briefing na may ilang healthcare workers associations na nahihirapang mag-comply sa requirements na itinakda ng state auditor pagdating sa pagbibigay ng benepisyo sa mga medical frontliners.
Mababatid na sa ilalim ng Konstitusyon, may kapangyarihan ang COA na suriin, i-audit, at i-settle ang lahat ng accounts kaugnay ng revenue at receipts, at expenditures o pinaggamitan ng pondo o property na ipinagkaloob sa gobyerno o kahit anong ahensya kabilang na ang government-owned o controlled corporations.
Wala dapat batas na ipapasa para i-exempt ang kahit anong entity ng gobyerno o subsidiary nito.
