CAMARINES NORTE- Nasungkit ng Camarines Norte Police Provincial Office ang parangal bilang Most Compliant Police Provincial Office kasama ng dalawa pang Police Provincial Office sa Rehiyong Bikol.
Nakatanggap din ng parangal ang San Lorenzo Municipal Police Station at Capalonga bilang Most Compliant Municipal Police Station na iginawad ng NAPOLCOM Regional Office 5.
Tinanggap ni PCOL JULIUS DANAO GUADAMOR, CNPPO Provincial Director kasama ni PLT ROSALINDA B TENSO, Officer In-Charge ng San Lorenzo MPS at ni PCPT TEDDY B FLAGA, Chief of Police ng Capalonga MPS ang nasabing mga parangal kahapon sa Camp Simeon A. Ola Legaspi City
Mismong si Director Josephmar B Gil, NAPOLCOM ROV Regional Director ang naggawad ng nasabing parangal kasama ng bagong Regional Director ng Police Regional Office 5 na si PBGEN MARIO A REYES.
Nakuha ng CNPPO ang pinakamataas na puntos na umaabot sa 92.86% mula sa pitong (7) Police Provincial Office sa Bicol Region.
Samantala, nakuha naman ng Capalonga MPS ang pinakamataas na puntos na 96.43% at 91.67% naman ng San Lorenzo MPS bilang ikatlo sa pinakamataas na puntos mula sa 105 municipal police stations sa buong Bicol. Ang nasabing mga parangal ay kaugnay sa isinagawang NAPOLCOM Inspection and Management Audit and Monitoring Activities CY 2021.
