May kabieogan nga 93 ka magkapareha ro nagpakasae sa libreng civil mass wedding sa maeain-eain nga munisipalidad sa probinsiya it Guimaras ku nagtaliwan nga buean sa paglunsar it Civil Registration Month.
Sa nasambitan nga numero naging opisyal ro pag-iba it mga magkapareha halin sa Buenavista kung siin siyamro ginkasae, Jordan nga may 25 nga ginkasae, Nueva Valencia nga may 47, ag Sibunag nga may 12.
Tatlong kasae man ro ginhiwat sa Nueva Valencia sa magkaiba nga venue nga may kabieogan nga 47 nga mga magkapareha. Trese pares ro ginkasae sa Barangay Igang samtang may kabieogan nga 34 pa ro nagpakasae sa Barangay Concordia.
Ro mga mass wedding sa kada munisipalidad hay ginhiwat it mga alkalde it mga nasambitan nga mga banwa.
Ro libre nga mass wedding hay ginhimo it lokal nga gobyerno it kada munisipalidad nga libre ro tanan nga mga baeayran sa CENOMAR (certificate of no marriage), marriage license applications, venue, cakes, wines, ag mga singsing./JIL B. LACSON
