NAGHATAG og pagpaklaro si City Schools Division Superintendent Romelito G. Flores, nga dili gayud malikayan nga makagasto usab ang mga magtutudlo gikan sa ilang sariling kwarta aron matud pa mapadali ang pagpahigayon sa klase.
Kalabot niini gibutyag sa opisyal nga nakadawat na ang mga magtutudlo og P5,000 cash allowance milabay nga bulan gikan sa DEPED Central Office aron maoy gamiton sa pagpalit og mga instruction materials apil na usab dinhi ang load sa mga gadget nga kinahanglanon aron mapadali ang pagpahigayon sa online learning.
Nagapadayon usab karon ang ginahimo nga remote enrollment sa mga public schools dinhi sa dakbayan nga gisugdan Agosto 16 hantod Setyembre 13 sa kasamtangan nga tuig.
kini pinaagi usab sa Drive thru enrollment ug drop boxes nga gibutang sa mga purok center ug pwede usab ang mga ginikanan ang muadto sa eskwelahan aron ipalista ang ilang mga anak, ug aduna usab mga enrolment booth nga anaa sa mga mall diin pwede nga makapa-enroll ang mga estudyante sa ilang gusto nga eskwelahan.
Anaa na sa ihap nga 20,000 ang mga estudyante ang nakapa-enroll karon nga tuig sa mga pampublikong eskwelahan dinhi sa dakbayan, ug magsugod ang abli sa klase sa umaabot nga Disyembre 13, 2021.( Enamie Mogpon)
