Aantayin pa ng city government ang kopya ng resolusyon ng Inter Agency Task Force Against Covid-19 na pumapayag na palabasin ng bahay ang mga batang may edad limang taon pataas sa mga lugar na nasa ilalim ng modified GCQ at General Community Quarantine.
Ito ay para matiyak kung kasama sa pinapayagan ang pagsakay sa mga pampublikong sasakyan para makapunta sa mga lugar na pinayapayagan na ang mga bata gaya ng parke, playground, beach at iba pa.
Ayon kay Mayor Lenj Paulino, kung tutuusin ay dapat payagang sumakay ng pampublikong sasakyan ang mga batang kasama ang magulang lalo na ngayon pinapayagan ng lumabas ng bahay kung mamasyal sa mga lugar na pinapayagan.
Ganunpaman, pinili ni Paulino na tiyakin kung anu-ano ang nilalaman ng IATF resolution para masigurong walang malalabag na patakaran ang city government. // Christian Andres – BNFM Olongapo
Photo Courtesy: Mapio
