Nag-collapse ro Acting Municipal Fire Marshal it President Roxas, Capiz samtang ginapanguhan ro domingguhan nga cleanup drive kahapon it kaaganhon, Oktubre 1.
Santang nagalimpyo si Senior Fire Officer 3 Marlon Garbo ag ro iba nana nga mga kaibahan sa Barangay Poblacion, bigla eamang raya nga nalipong.
Ginsugod pa si Garbo it mga kaibahan sa Bailan District Hospital, pero namatay man raya samtang ginabueong.
Sa presente, gina-usisa pa it mga doktor ro rason it anang pagkamatay.
Kahapon ro ika-24 nga anibersaryo ni Garbo sa serbisyo.
Ro domingguhan nga panglimpyo hay na-konsepto sa ideaom it pagpamuno ni Garbo. Ginatawag raya nga “Ugsaran Ko, Tinluan Ko, Basura Mo, Himuson Mo.”/JIL B. LACSON
