Subling nagpahinumdom ang Davao City COVID-19 Task Force sa sa mga cinema goers nga hugtanong mutamod sa gipatumang sumbanan sulod sa sinehan dungan sa subling pagbalik sa pag-operate niini.
Una ng nagpagula og advisory ang pipila ka sinehan sa syudad nga tugutan lamang makasulod sa sinehan ang kadtong fully vaccinated nga indibidwal ug kinahanglan sab nga magpresenta sa SafeDavao QR (DQR) ug vaccination card.
Gawas niini, aduna sab checking sa temperature, ug pagpatuman sa 50% seating capacity.
Kahinumdoman nga una ng gibutyag sa COVID-19 TF nga kinahanglan gihapong mutamod ang management sa gipatumang health protocols sa IATF sa mga sinehan.
