Tiniyak ng Department of Education (DepEd) na pahihintulutan pa rin nila ang paglalagay ng mga Christmas decorations sa mga pampublikong paaralan.
Ito’y sa kabila ng ‘no decoration policy’ na unang ibinaba ng Vice President at Education Secretary Sara Duterte.
Ayon kay DepEd Spokesperson at Undersecretary Michael Wesley Poa, pansamantala lamang ang paglalagay ng Christmas decoration kaya’t walang nakikitang problema ang ahensya kung maglalagay ng mga palamuti sa mga silid-aralan.
Dagdag pa ni Poa, maaring mag-decorate basta gawing simple lamang ang dekorasyon at tanggalin agad pagkatapos ng Pasko.
