GIKUMPIRMA sa OIC sa OSCA GenSan nga si Celso Mendoza, nga ipahigayon ang eleksyon alang sa OSCA head sa Enero 20.
Matud niini, adunay lima ka mga magpapili sa pagsilbing labaw sa mga senior citizen sa GenSan, usa niini ang iyang asawa nga si Josephine Mendoza, ingon man sa upat nga apelyido lang ang nailhan nga silang Mr. Aban, Anghilada, Tan ug Amoguis.
Gitugutan matud pa sa IATF ang pagpahigayon og eleksyon apan mag-agad pa gihapon sa mga kausaban unya.
Ang mga senior citizens mubuto sa ilang matag barangay ug anaa na sa kapitan sa barangay kung asa ipahigayon ang eleksyon.
Gitino usab ni Mendoza nga gituboy siya isip temporaryong labaw sa OSCA human gi-appoint sa mayor isip project development officer.
Sa sweldo nga wala nakuha, gibutyag ni Mendoza nga may ginahimong lakang na kini. Sa planong pagpasaka ni Kagawad Franklin Gacal Jr. ngadto kaniya ug kang Mayor Rivera, giangkon ni Mendoza nga nasayod na sila niini ug ilaha usab tubagon.
