NABAS — Nagapadayun pa ro imbestigasyun sa natabong sunog kabii sa Barangay Poblacion Nabas, Aklan.
Sa report, nasunog ro sangka stall nga nagabaligya it cellphone ag nadaeahig pa ro kaiping kara nga stall nga nagabaligya it beauty products.
Insigida man nga rumesponde ro BFP Nabas sa area ag nagdeklara it fire-out pasado alas 10 it gabii.
Ginaboebanta nga kapin sa P200,000 ro danyos sa natabo nga sunog. / ANN DESLENE SALAZAR
