NAGA CITY –Nakatakdang pulungin ni City Mayor Nelson Legacion ang City Disaster Risk Reduction Management Office at iba pang department heads para pag-usapan ang magiging epekto ng El Niño Phenomenon na ayon sa PAG-ASA ay mararamdaman sa susunod na buwan.
Maaapektuhan ang sektor ng agrikultura at supply ng tubig sa lungsod. Ito ang pagtantiya ni Legacion, kaya dapat ngayon pa lamang ay paghandaan na.
Bukod sa CDRRMO, hangad ding pulungin ni Legacion si MNWD Acting General Manager Florencio Tam Mongoso Jr.
Sa pakikipag-usap ng alkalde sa Brigada News FM Naga sinabi nito na gusto niyang malaman sa mga opisinang ito ang mga hakbangin na gagawin tulad ng sa Metropolitan Naga Water District na ngayon ay may mga water pumping stations pang may problema at iba ay under repair pa.
