Ipinagpapatuloy ng Filipino gymnast na si Carlos Yulo ang kanyang build-up para sa 2024 Paris Olympics sa Baku Leg ng 2024 FIG Artistic Gymnastics World Cup Series.
Nakakuha dito si Yulo ng bronze medal sa men’s floor exercise, na may final score na 14.366.
Kasama ng Pinoy gymnast sa podium ang gold medalist na si Yahor Sharamkou at silver medalist na si Kazuki Minami.
Ayon kay Gymnastics Association of the Philippines President Cynthia Carrion, nasa tamang track lang si Yulo para sa Paris Olympics, sa kabila ng kawalan ng coach simula nang mahiwalay siya kay Munehiro Kugimiya noong Oktubre 2023.
