Pinagkaguluhan ng mga fans sa Dubai ang aktor na si Carlo Aquino ng makiisa siya sa selebrasyon ng Araw ng Kalayaan doon na ginanap sa World Trade Center.
Napuno ang naturang venue kung saan mas ginanahang mag-perform ang naturang aktor at pinagbigyan na maki-selfie ang maraming manunuod doon.
Ayon kay Aquino, inenjoy niya ang pagkakataong makita ang ating mga kakabayan doon at big deal umano para sa kanya ang mag-celebrate ng Independence Day sa ibang bansa.
Samantala, maraming fans ang nagpasalamat sa nasabing aktor sa pagbisita nito kung saan marami umano sa kanila ang bumyahe pa ng matagal makita lang ito. (ARGIE ERGINA)
