KALIBO, AKLAN—Matapos do pilang beses nga pag-postpone, natigayon eon do makabig nga historic bestowal ceremony para kay incoming archbishop of Manila Jose Cardinal Advincula sa Immaculate Conception Metropolitan Cathedral sa Roxas City, Capiz sa tunga it hugot nga community quarantine restrictions.
Ginbaton ni Cardinal Advincula do anang red biretta ukon cardinal hat, cardinalatial ring ag do titular assignment halin kay Archbishop Charles John Brown, Apostolic Nuncio to the Philippines.
Nasayuran nga owa nakaagto do 69 anyos nga Cardinal sa Roma kung siin nakaangdang ginapatigayon do seremonya bangud sa paeag it COVID-19 pandemic.
Si Advincula nga tubong Dumalag, Capiz hay do ika-siyam nga Filipino Cardinal ag kaibahan sa 13 cardinals maghalin sa waeong nasyon nga gin-appoint ni Pope Francis ku October 2020. // SHERRY ANNE REUNIR-VIDAL
