Kabilang sina Olympic gold medalists Tessa Virtue at Hayley Wickenheiser sa pinagbawalan na makapasok sa Russia.
Ayon sa Russian Foreign Ministry, karamihan sa kanilang listahan ay mga retiradong Canadian Olympians na pumirma ng isang liham na humihimok sa Canadian Olympic Committee (COC) na suportahan ang ban sa Russia at Belarus na lumahok sa 2024 Paris Summer Games.
Ang iba sa listahan na pinagbawalan na makapasok sa Russia ay kinabibilangan ni Canada Governor General Mary Simon at mga miyembro ng provincial legislatures ng Ontario, Alberta at British Columbia.
Samantala, maraming international sports federations ang nagtanggal ng mga atleta sa Russia at Ukraine matapos sumiklab ang kaguluhan doon.//CA
