CAMARINES NORTE – Posibleng mag- host muli ang Camarines Norte ng Palarong Bicol sa 2026.
Ito ang inihayag ni Education Supervisor for MAPEH at Division Sports Coordinator Nelson Gomez sa naging panayam ng Brigada News FM Daet.
Ayon kay Gomez irerekomenda pa lang ng probinsiya na mag- host ito ng Palarong Bicol kung kakayanin ng preparasyon.
Matatandaan na naunsyami ang pagho- host sana ng Camarines Norte noong 2020 dahil sa COVID- 19 pandemic ilang araw bago ang naka- schedule na Palaro.
Huling nag- host ng Bicol meet ang lalawigan noong 2010 at ito rin ang huling pagkakataon na hinirang na over- all champion ang lalawigan.
Gaganapin naman ang Palarong Bicol 2024 sa Abril sa tatlong Lungsod, Tabacco, Legazpi at Ligao.
Sa susunod na taon ay ang Sorsogon province naman ang host.
