LEGAZPI CITY – Nagdistribwer an Camalig Municipal Agriculture Office (MAO) nin 25kg nin pre-starter feeds sa mga residenteng may atamang orig na apektado kan pag-alboroto nin Bulkang Mayon.
Segun kay Municipal Agriculturist Dante Alejandro, nasa 34 an natawan kaini, kun sain obheto kaining masiyerto na igwa nin healthy production nin livestock sa ibong kan pigkakahampang na huma kan banwaan.
Dugang pa niya, kaibahan man sa pigtarao an 10g nin pampurga para sa mga ataman tanganing masiyerto na nakukua kaini an bastanteng nutrisyon.
Parte su boot ini kan itinataong asistensya para sa mga evacuees tanganing matawan sindang tabang sa pagmamantenir kan saindang marhay na negosyo na pigkukuwaan nin panggastos sa urualdaw.
