LEGAZPI CITY – Pigrekognisar kan gobyerno-lokal kan Camalig, Albay an mga top-performing Barangay Disaster Risk Reduction And Management Councils (BDRRMC) sa banwaan.
Segun sa Municipal Disaster Risk Reduction and Management Office (MDRRMO), sa 50 mga barangay, nasa 15 an napili nindang maisabay digdi na para sainda, nagin marhay an pagresponder sa mga emerhensya asin sa pagpepreparar sa mga kalamidad.
Kasarabay digdi an mga barangay kan Bariw, Cabraran Pequeño, Caguiba, Cotmon, Gapo, Ilawod, Iluluan, Mina, Miti, Palanog, Quinuartilan, Sua, Sumlang, Tumpa, asin an Brgy. 7.
An mga ini nakaresibe nin PHP10,000 bilang cash prize asin certificate of recognition.
Ikinaogma ini kan LGU huli ta minautob an mga ini sa pigbubusol kan saindang munisipyo na magin preparado sa anoman na uma asin pagsiyerto sa zero casualty.
